កម្មវិធីបើកការប្រកួតកីឡាមហាជន ជ្រើសរើសជើងឯកទូទាំងខេត្តកំពង់ចាមប្រចាំឆ្នាំ២០១៥
31-December-2015 | ដោយ មួយឡា
កំពង់ចាម៖ នាថ្ងៃទី ៣១ ខែធ្នូ ឆ្នាំ២០១៥ មន្ទីរអប់រំ យុវជន និងកីឡា បានប្រារព្វពិធី ប្រកួតកីឡាជ្រើសរើសជើងឯកទូទាំងខេត្តកំពង់ចាមប្រចាំឆ្នាំ២០១៥ ក្រោមអធិបតីភាព ឯកឧត្តម ជឹម លាវ អភិបាលរងខេត្តកំពង់ចាម លោកប្រធានមន្ទីរអប់រំយុវជន និងកីឡា និងលោក លោកស្រី ព្រមទាំងសិក្សានុសិស្ស កីឡាករ ប្រមាណ ១០០០នាក់។
នាឱកាសនេះដែរ លោកប្រធានមន្ទីរអប់រំ យុវជន និងកីឡាខេត្ត បានអញ្ជើញអានរបាយការណ៍ របស់គណៈកម្មការរៀបចំការប្រកួត លោកបានមានប្រសាសន៍ថា ពិធីនេះ គឺជាព្រឹត្តិការណ៍ ដ៏មានតម្លៃ និងមានអត្ថន័យបំផុត សម្រាប់ខេត្តកំពង់ចាម ។ ដោយឡែកចំពោះស្មារតី ៧មករា ជាថ្ងៃដែលប្រជាជនកម្ពុជាបានរស់រានមានជីវិតឡើងវិញឆ្លងផុតពីភាពអន្ធកាលនៃគុកឥតជញ្ជាំង និងអបអរសាទរឆ្នាំថ្មីនៃការរំលឹកឡើងវិញ នៅឆ្នាំ២០១៦នេះ។
លោកក៏បានបញ្ជាក់ប្រាប់ថាពិធីនេះមានរយៈពេល ៥ថ្ងៃចាប់តាំងពីថ្ងៃទី ៣១ ខែធ្នូ ឆ្នាំ២០១៥ ដល់ថ្ងៃទី៤ ខែមករា ឆ្នាំ២០១៦ ហើយក្រុមកីឡាដែលមកប្រកួតក្នុងកម្មវិធីនេះរួមមាន៖ បាល់ទាត់៩ក្រុម បាល់ទះ៥ក្រុម បាល់បោះពីក្រុម ប៉េតង់១៤ក្រុម វាយសី៩ក្រុម ដែលមានកីឡាករសរុបចំនួន៣២០នាក់ និងអ្នកដឹងនាំ ៦៩នាក់ផងដែរ។
ជាចុងក្រោយឯកឧត្តមអភិបាលរងខេត្ត ជឹម លាវ មានមតិសំណេះសំណាល និង សំដែងនូវសេចក្តីក្រែកអរ ចំពោះមន្ត្រីអង្គភាពជុំវិញខេត្ត អស់លោក ដែលមានចិត្តចូលរួមអបអរសាទរទិវាប្រកួតកីឡាមហាជន ជ្រើសរើសជើងឯកទូទាំងខេត្តកំពង់ចាម និងសូមអោយស្មារតី ៧មករា ជាថ្ងៃកំណើតទី២ របស់យើងទាំងអស់គ្នា នាំមកនូវសេចក្តីសុខចម្រើន អភិវឌ្ឍន៍ បានបរិបូរណ៍ ជ័យជំនះគ្រប់ពេលវេលា និងជាពិសេសលោកគ្រូ អ្នកគ្រូ សិក្សានុសិស្ស អោយបាននូវ បញ្ញាឈ្លៀសវៃ មានស្មារតីចង់ចាំពូកែក្នុងកាបង្រៀន-រៀន និងប្រកាសបើកកម្មវិធី៕ ដោយ ហ៊ាង អ៊ាមហុយ
ចំនួនអ្នកទស្សនា
- ថ្ងៃនេះ6261
- ម្សិលមិញ14181
- សប្តាហ៍នេះ6261
- ខែនេះ121411
- ឆ្នាំនេះ121411
- សរុប20563867